ധ്യാനമ്
രക്താംബരോ രക്തവപുഃ കിരീടീ ചതുര്ഭുജോ മേഷഗമോ ഗദാഭൃത് |
ധരാസുതഃ ശക്തിധരശ്ച ശൂലീ സദാ മമ സ്യാദ്വരദഃ പ്രശാംതഃ ||

അഥ അംഗാരക കവചമ്
അംഗാരകഃ ശിരോ രക്ഷേത് മുഖം വൈ ധരണീസുതഃ |
ശ്രവൗ രക്തംബരഃ പാതു നേത്രേ മേ രക്തലോചനഃ || 1 ||

നാസാം ശക്തിധരഃ പാതു മുഖം മേ രക്തലോചനഃ |
ഭുജൗ മേ രക്തമാലീ ച ഹസ്തൗ ശക്തിധരസ്തഥാ ||2 ||

വക്ഷഃ പാതു വരാംഗശ്ച ഹൃദയം പാതു രോഹിതഃ |
കടിം മേ ഗ്രഹരാജശ്ച മുഖം ചൈവ ധരാസുതഃ || 3 ||

ജാനുജംഘേ കുജഃ പാതു പാദൗ ഭക്തപ്രിയഃ സദാ |
സര്വാണ്യന്യാനി ചാംഗാനി രക്ഷേന്മേ മേഷവാഹനഃ || 4 ||

ഫലശ്രുതിഃ
യ ഇദം കവചം ദിവ്യം സര്വശത്രുനിവാരണമ് |
ഭൂതപ്രേതപിശാചാനാം നാശനം സര്വസിദ്ധിദമ് ||

സര്വരോഗഹരം ചൈവ സര്വസംപത്പ്രദം ശുഭമ് |
ഭുക്തിമുക്തിപ്രദം നൠണാം സര്വസൗഭാഗ്യവര്ധനമ് ||

രോഗബംധവിമോക്ഷം ച സത്യമേതന്ന സംശയഃ ||

|| ഇതി ശ്രീ മാര്കംഡേയപുരാണേ അംഗാരക കവചം സംപൂര്ണമ് ||