അനന്തസംസാര സമുദ്രതാര നൗകായിതാഭ്യാം ഗുരുഭക്തിദാഭ്യാമ് |
വൈരാഗ്യസാമ്രാജ്യദപൂജനാഭ്യാം നമോ നമഃ ശ്രീഗുരുപാദുകാഭ്യാമ് || 1 ||

കവിത്വവാരാശിനിശാകരാഭ്യാം ദൗര്ഭാഗ്യദാവാം ബുദമാലികാഭ്യാമ് |
ദൂരികൃതാനമ്ര വിപത്തതിഭ്യാം നമോ നമഃ ശ്രീഗുരുപാദുകാഭ്യാമ് || 2 ||

നതാ യയോഃ ശ്രീപതിതാം സമീയുഃ കദാചിദപ്യാശു ദരിദ്രവര്യാഃ |
മൂകാശ്ര്ച വാചസ്പതിതാം ഹി താഭ്യാം നമോ നമഃ ശ്രീഗുരുപാദുകാഭ്യാമ് || 3 ||

നാലീകനീകാശ പദാഹൃതാഭ്യാം നാനാവിമോഹാദി നിവാരികാഭ്യാമ് |
നമജ്ജനാഭീഷ്ടതതിപ്രദാഭ്യാം നമോ നമഃ ശ്രീഗുരുപാദുകാഭ്യാമ് || 4 ||

നൃപാലി മൗലിവ്രജരത്നകാന്തി സരിദ്വിരാജത് ഝഷകന്യകാഭ്യാമ് |
നൃപത്വദാഭ്യാം നതലോകപങ്കതേ: നമോ നമഃ ശ്രീഗുരുപാദുകാഭ്യാമ് || 5 ||

പാപാന്ധകാരാര്ക പരമ്പരാഭ്യാം താപത്രയാഹീന്ദ്ര ഖഗേശ്ര്വരാഭ്യാമ് |
ജാഡ്യാബ്ധി സംശോഷണ വാഡവാഭ്യാം നമോ നമഃ ശ്രീഗുരുപാദുകാഭ്യാമ് || 6 ||

ശമാദിഷട്ക പ്രദവൈഭവാഭ്യാം സമാധിദാന വ്രതദീക്ഷിതാഭ്യാമ് |
രമാധവാന്ധ്രിസ്ഥിരഭക്തിദാഭ്യാം നമോ നമഃ ശ്രീഗുരുപാദുകാഭ്യാമ് || 7 ||

സ്വാര്ചാപരാണാമ് അഖിലേഷ്ടദാഭ്യാം സ്വാഹാസഹായാക്ഷധുരന്ധരാഭ്യാമ് |
സ്വാന്താച്ഛഭാവപ്രദപൂജനാഭ്യാം നമോ നമഃ ശ്രീഗുരുപാദുകാഭ്യാമ് || 8 ||

കാമാദിസര്പ വ്രജഗാരുഡാഭ്യാം വിവേകവൈരാഗ്യ നിധിപ്രദാഭ്യാമ് |
ബോധപ്രദാഭ്യാം ദൃതമോക്ഷദാഭ്യാം നമോ നമഃ ശ്രീഗുരുപാദുകാഭ്യാമ് || 9 ||