ଅନନ୍ତସଂସାର ସମୁଦ୍ରତାର ନୌକାୟିତାଭ୍ୟାଂ ଗୁରୁଭକ୍ତିଦାଭ୍ୟାମ |
ଵୈରାଗ୍ୟସାମ୍ରାଜ୍ୟଦପୂଜନାଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 1 ||

କଵିତ୍ଵଵାରାଶିନିଶାକରାଭ୍ୟାଂ ଦୌର୍ଭାଗ୍ୟଦାଵାଂ ବୁଦମାଲିକାଭ୍ୟାମ |
ଦୂରିକୃତାନମ୍ର ଵିପତ୍ତତିଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 2 ||

ନତା ୟୟୋଃ ଶ୍ରୀପତିତାଂ ସମୀୟୁଃ କଦାଚିଦପ୍ୟାଶୁ ଦରିଦ୍ରଵର୍ୟାଃ |
ମୂକାଶ୍ର୍ଚ ଵାଚସ୍ପତିତାଂ ହି ତାଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 3 ||

ନାଲୀକନୀକାଶ ପଦାହୃତାଭ୍ୟାଂ ନାନାଵିମୋହାଦି ନିଵାରିକାଭ୍ୟାମ |
ନମଜ୍ଜନାଭୀଷ୍ଟତତିପ୍ରଦାଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 4 ||

ନୃପାଲି ମୌଲିଵ୍ରଜରତ୍ନକାନ୍ତି ସରିଦ୍ଵିରାଜତ ଝଷକନ୍ୟକାଭ୍ୟାମ |
ନୃପତ୍ଵଦାଭ୍ୟାଂ ନତଲୋକପଙ୍କତେ: ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 5 ||

ପାପାନ୍ଧକାରାର୍କ ପରମ୍ପରାଭ୍ୟାଂ ତାପତ୍ରୟାହୀନ୍ଦ୍ର ଖଗେଶ୍ର୍ଵରାଭ୍ୟାମ |
ଜାଡ୍ୟାବ୍ଧି ସଂଶୋଷଣ ଵାଡଵାଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 6 ||

ଶମାଦିଷଟ୍କ ପ୍ରଦଵୈଭଵାଭ୍ୟାଂ ସମାଧିଦାନ ଵ୍ରତଦୀକ୍ଷିତାଭ୍ୟାମ |
ରମାଧଵାନ୍ଧ୍ରିସ୍ଥିରଭକ୍ତିଦାଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 7 ||

ସ୍ଵାର୍ଚାପରାଣାମ ଅଖିଲେଷ୍ଟଦାଭ୍ୟାଂ ସ୍ଵାହାସହାୟାକ୍ଷଧୁରନ୍ଧରାଭ୍ୟାମ |
ସ୍ଵାନ୍ତାଚ୍ଛଭାଵପ୍ରଦପୂଜନାଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 8 ||

କାମାଦିସର୍ପ ଵ୍ରଜଗାରୁଡାଭ୍ୟାଂ ଵିଵେକଵୈରାଗ୍ୟ ନିଧିପ୍ରଦାଭ୍ୟାମ |
ବୋଧପ୍ରଦାଭ୍ୟାଂ ଦୃତମୋକ୍ଷଦାଭ୍ୟାଂ ନମୋ ନମଃ ଶ୍ରୀଗୁରୁପାଦୁକାଭ୍ୟାମ || 9 ||