ഓം || സഹസ്രശീര്’ഷം ദേവം വിശ്വാക്ഷം’ വിശ്വശം’ഭുവമ് | വിശ്വം’ നാരായ’ണം ദേവമക്ഷരം’ പരമം പദമ് | വിശ്വതഃ പര’മാന്നിത്യം വിശ്വം നാ’രായണഗ്‍മ് ഹ’രിമ് | വിശ്വ’മേവേദം പുരു’ഷ-സ്തദ്വിശ്വ-മുപ’ജീവതി | പതിം വിശ്വ’സ്യാത്മേശ്വ’രഗ്ം ശാശ്വ’തഗ്‍മ് ശിവ-മച്യുതമ് | നാരായണം മ’ഹാജ്ഞേയം വിശ്വാത്മാ’നം പരായ’ണമ് | നാരായണപ’രോ ജ്യോതിരാത്മാ നാ’രായണഃ പ’രഃ | നാരായണപരം’ ബ്രഹ്മ തത്ത്വം നാ’രായണഃ പ’രഃ | നാരായണപ’രോ ധ്യാതാ ധ്യാനം നാ’രായണഃ പ’രഃ | യച്ച’ കിംചിജ്ജഗത്സര്വം ദൃശ്യതേ’ ശ്രൂയതേஉപി’ വാ ||
അംത’ര്ബഹിശ്ച’ തത്സര്വം വ്യാപ്യ നാ’രായണഃ സ്ഥി’തഃ | അനംതമവ്യയം’ കവിഗ്‍മ് സ’മുദ്രേஉംതം’ വിശ്വശം’ഭുവമ് | പദ്മകോശ-പ്ര’തീകാശഗ്ം ഹൃദയം’ ചാപ്യധോമു’ഖമ് | അധോ’ നിഷ്ട്യാ വി’തസ്യാംതേ നാഭ്യാമു’പരി തിഷ്ഠ’തി | ജ്വാലമാലാകു’ലം ഭാതീ വിശ്വസ്യായ’തനം മ’ഹത് | സന്തത’ഗ്‍മ് ശിലാഭി’സ്തു ലംബത്യാകോശസന്നി’ഭമ് | തസ്യാംതേ’ സുഷിരഗ്‍മ് സൂക്ഷ്മം തസ്മിന്’ സര്വം പ്രതി’ഷ്ഠിതമ് | തസ്യ മധ്യേ’ മഹാന’ഗ്നിര്-വിശ്വാര്ചി’ര്-വിശ്വതോ’മുഖഃ | സോஉഗ്ര’ഭുഗ്വിഭ’ജംതിഷ്ഠ-ന്നാഹാ’രമജരഃ കവിഃ | തിര്യഗൂര്ധ്വമ’ധശ്ശായീ രശ്മയ’സ്തസ്യ സംത’താ | സംതാപയ’തി സ്വം ദേഹമാപാ’ദതലമസ്ത’കഃ | തസ്യമധ്യേ വഹ്നി’ശിഖാ അണീയോ’ര്ധ്വാ വ്യവസ്ഥി’തഃ | നീലതോ’-യദ’മധ്യസ്ഥാദ്-വിധ്യുല്ലേ’ഖേവ ഭാസ്വ’രാ | നീവാരശൂക’വത്തന്വീ പീതാ ഭാ’സ്വത്യണൂപ’മാ | തസ്യാ’ഃ ശിഖായാ മ’ധ്യേ പരമാ’ത്മാ വ്യവസ്ഥി’തഃ | സ ബ്രഹ്മ സ ശിവഃ സ ഹരിഃ സേംദ്രഃ സോஉക്ഷ’രഃ പരമഃ സ്വരാട് ||
ഋതഗ്‍മ് സത്യം പ’രം ബ്രഹ്മ പുരുഷം’ കൃഷ്ണപിംഗ’ലമ് | ഊര്ധ്വരേ’തം വി’രൂപാ’ക്ഷം വിശ്വരൂ’പായ വൈ നമോ നമഃ’ ||
ഓം നാരായണായ’ വിദ്മഹേ’ വാസുദേവായ’ ധീമഹി | തന്നോ’ വിഷ്ണുഃ പ്രചോദയാ’ത് ||
ഓം ശാംതിഃ ശാംതിഃ ശാംതിഃ’ ||