kaMjaatapatraayata lOcanaaya karNaavataMsOjjvala kuMDalaaya
kaaruNyapaatraaya suvaMSajaaya namOstu raamaayasalakShmaNaaya || 1 ||

vidyunnibhaaMbhOda suvigrahaaya vidyaadharaissaMstuta sadguNaaya
veeraavataaraya virOdhihartrE namOstu raamaayasalakShmaNaaya || 2 ||

saMsakta divyaayudha kaarmukaaya samudra garvaapaharaayudhaaya
sugreevamitraaya suraarihaMtrE namOstu raamaayasalakShmaNaaya || 3 ||

peetaaMbaraalaMkRuta madhyakaaya pitaamahEMdraamara vaMditaaya
pitrE svabhaktasya janasya maatrE namOstu raamaayasalakShmaNaaya || 4 ||

namO namastE khila poojitaaya namO namastEMdunibhaananaaya
namO namastE raghuvaMSajaaya namOstu raamaayasalakShmaNaaya || 5 ||

imaani paMcaratnaani trisaMdhyaM yaH paThEnnaraH
sarvapaapa vinirmuktaH sa yaati paramaaM gatim ||

iti SreeSaMkaraacaarya viracita SreeraamapaMcaratnaM saMpoorNaM