ଅଥ ବୁଧ କଵଚମ
ବୁଧସ୍ତୁ ପୁସ୍ତକଧରଃ କୁଂକୁମସ୍ୟ ସମଦ୍ୟୁତିଃ |
ପୀତାଂବରଧରଃ ପାତୁ ପୀତମାଲ୍ୟାନୁଲେପନଃ || 1 ||

କଟିଂ ଚ ପାତୁ ମେ ସୌମ୍ୟଃ ଶିରୋଦେଶଂ ବୁଧସ୍ତଥା |
ନେତ୍ରେ ଜ୍ଞାନମୟଃ ପାତୁ ଶ୍ରୋତ୍ରେ ପାତୁ ନିଶାପ୍ରିୟଃ || 2 ||

ଘ୍ରାଣଂ ଗଂଧପ୍ରିୟଃ ପାତୁ ଜିହ୍ଵାଂ ଵିଦ୍ୟାପ୍ରଦୋ ମମ |
କଂଠଂ ପାତୁ ଵିଧୋଃ ପୁତ୍ରୋ ଭୁଜୌ ପୁସ୍ତକଭୂଷଣଃ || 3 ||

ଵକ୍ଷଃ ପାତୁ ଵରାଂଗଶ୍ଚ ହୃଦୟଂ ରୋହିଣୀସୁତଃ |
ନାଭିଂ ପାତୁ ସୁରାରାଧ୍ୟୋ ମଧ୍ୟଂ ପାତୁ ଖଗେଶ୍ଵରଃ || 4 ||

ଜାନୁନୀ ରୌହିଣେୟଶ୍ଚ ପାତୁ ଜଂଘେ??ଉଖିଲପ୍ରଦଃ |
ପାଦୌ ମେ ବୋଧନଃ ପାତୁ ପାତୁ ସୌମ୍ୟୋ??ଉଖିଲଂ ଵପୁଃ || 5 ||

ଅଥ ଫଲଶ୍ରୁତିଃ
ଏତଦ୍ଧି କଵଚଂ ଦିଵ୍ୟଂ ସର୍ଵପାପପ୍ରଣାଶନମ |
ସର୍ଵରୋଗପ୍ରଶମନଂ ସର୍ଵଦୁଃଖନିଵାରଣମ || 6 ||

ଆୟୁରାରୋଗ୍ୟଶୁଭଦଂ ପୁତ୍ରପୌତ୍ରପ୍ରଵର୍ଧନମ |
ୟଃ ପଠେଚ୍ଛୃଣୁୟାଦ୍ଵାପି ସର୍ଵତ୍ର ଵିଜୟୀ ଭଵେତ || 7 ||

|| ଇତି ଶ୍ରୀବ୍ରହ୍ମଵୈଵର୍ତପୁରାଣେ ବୁଧକଵଚଂ ସଂପୂର୍ଣମ ||