ધ્યાનં

સમં ચતુર્ભુજં વંદે કેયૂર મકુટોજ્વલમ |
વાસુદેવસ્ય નયનં શંકરસ્ય ચ ભૂષણમ ||

એવં ધ્યાત્વા જપેન્નિત્યં શશિનઃ કવચં શુભમ ||

અથ ચંદ્ર કવચમ

શશી પાતુ શિરોદેશં ભાલં પાતુ કલાનિધિઃ |
ચક્ષુષી ચંદ્રમાઃ પાતુ શ્રુતી પાતુ નિશાપતિઃ || 1 ||

પ્રાણં ક્ષપકરઃ પાતુ મુખં કુમુદબાંધવઃ |
પાતુ કંઠં ચ મે સોમઃ સ્કંધે જૈવાતૃકસ્તથા || 2 ||

કરૌ સુધાકરઃ પાતુ વક્ષઃ પાતુ નિશાકરઃ |
હૃદયં પાતુ મે ચંદ્રો નાભિં શંકરભૂષણઃ || 3 ||

મધ્યં પાતુ સુરશ્રેષ્ઠઃ કટિં પાતુ સુધાકરઃ |
ઊરૂ તારાપતિઃ પાતુ મૃગાંકો જાનુની સદા || 4 ||

અબ્ધિજઃ પાતુ મે જંઘે પાતુ પાદૌ વિધુઃ સદા |
સર્વાણ્યન્યાનિ ચાંગાનિ પાતુ ચંદ્રોખિલં વપુઃ || 5 ||

ફલશ્રુતિઃ
એતદ્ધિ કવચં દિવ્યં ભુક્તિ મુક્તિ પ્રદાયકમ |
યઃ પઠેચ્છૃણુયાદ્વાપિ સર્વત્ર વિજયી ભવેત || 6 ||

|| ઇતિ શ્રીચંદ્ર કવચં સંપૂર્ણમ ||