paaNDityaM paramESvari stutividhau naivaaSrayantE giraaM
vairincaanyapi gumphanaani vigaladgarvaaNi SarvaaNi tE |
stOtuM tvaaM pariphullaneelanalinaSyaamaakShi kaamaakShi maaM
vaacaaleekurutE tathaapi nitaraaM tvatpaadasEvaadaraH ||1||
taapinCastabakatviShE tanubhRutaaM daaridryamudraadviShE
saMsaaraakhyatamOmuShE puraripOrvaamaankaseemaajuShE |
kampaateeramupEyuShE kavayataaM jihvaakuTeeM jagmuShE
viSvatraaNapuShE namOstu satataM tasmai paraMjyOtiShE ||2||
yE sandhyaaruNayanti SaMkarajaTaakaantaaracanraarbhakaM
sindooranti ca yE purandaravadhooseemantaseemaantarE |
puNya.m yE paripakkayanti bhajataaM kaanceepurE maamamee
paayaasuH paramESvarapraNayineepaadOdbhavaaH paaMsavaH ||3||
kaamaaDambarapoorayaa SaSirucaa kamrasmitaanaaM tviShaa
kaamaarEranuraagasindhumadhikaM kallOlitaM tanvatee |
kaamaakSheeti samastasajjananutaa kalyaaNadaatree nRuNaaM
kaaruNyaakulamaanasaa bhagavatee kampaataTE jRumbhatE ||4||
kaamaakSheeNaparaakramaprakaTanaM sambhaavayantee dRuSaa
Syaamaa kSheerasahOdarasmitaruciprakShaalitaaSaantaraa |
kaamaakSheejanamaulibhooShaNamaNirvaacaaM paraa dEvataa
kaamaakSheeti vibhaati kaapi karuNaa kampaataTinyaastaTE ||5||
Syaamaa kaacana candrikaa tribhuvanE puNyaatmanaamaananE
seemaaSoonyakavitvavarShajananee yaa kaapi kaadambinee |
maaraaraatimanOvimOhanavidhau kaacitattamaHkandalee
kaamaakShyaaH karuNaakaTaakShalaharee kaamaaya mE kalpataam ||6||
prauDhadhvaantakadambakE kumudineepuNyaaMkuraM darSayan
jyOtsnaasaMgamanEpi kOkamithunaM miSraM samudbhaavayan |
kaalindeelahareedaSaaM prakaTayankamraaM nabhasyadbhutaaM
kaScinnEtramahOtsavO vijayatE kaanceepurE SoolinaH ||7||
tandraaheenatamaalaneelasuShamaistaaruNyaleelaagRuhaiH
taaraanaathakiSOralaanCitakacaistaamraaravindEkShaNaiH |
maataH saMSrayataaM manO manasijapraagalbhyanaaDindhamaiH
kampaateeracarairghanastanabharaiH puNyaankaraiH SaaMkaraiH ||8||
nityaM niScalataamupEtya marutaaM rakShaavidhiM puShNatee
tEjassaMcayapaaTavEna kiraNaanuShNadyutErmuShNatee |
kaanceemadhyagataapi deeptijananee viSvaantarE jRumbhatE
kaaciccitramahO smRutaapi tamasaaM nirvaapikaa deepikaa ||9||
kaantaiH kESarucaaM cayairbhramaritaM mandasmitaiH puShpitaM
kaantyaa pallavitaM padaamburuhayOrnEtratviShaa patritam |
kampaateeravanaantaraM vidadhatee kalyaaNajanmasthalee
kaanceemadhyamahaamaNirvijayatE kaacitkRupaakandalee ||10||
raakaacandrasamaanakaantivadanaa naakaadhiraajastutaa
mookaanaamapi kurvatee suradhaneeneekaaSavaagvaibhavam |
Sreekaanceenagareevihaararasikaa SOkaapahantree sataam
Ekaa puNyaparamparaa paSupatEraakaariNee raajatE ||11||
jaataa SeetalaSailataH sukRutinaaM dRuSyaa paraM dEhinaaM
lOkaanaaM kShaNamaatrasaMsmaraNataH santaapavicCEdinee |
aaScaryaM bahu khElanaM vitanutE naiScalyamaabibhratee
kampaayaastaTaseemni kaapi taTinee kaaruNyapaathOmayee ||12||
aikyaM yEna viracyatE haratanau dambhaavapumbhaavukE
rEkhaa yatkacaseemni SEkharadaSaaM naiSaakaree gaahatE |
aunnatyaM muhurEti yEna sa mahaanmEnaasakhaH saanumaan
kampaateeravihaariNaa saSaraNaastEnaiva dhaamnaa vayam ||13||
akShNOSca stanayOH Sriyaa SravaNayOrbaahvOSca moolaM spRuSan
uttaMsEna mukhEna ca pratidinaM druhyanpayOjanmanE |
maadhuryENa giraaM gatEna mRudunaa haMsaanganaaM hrEpayan
kaanceeseemni cakaasti kOpi kavitaasantaanabeejaankuraH ||14||
khaNDaM caandramasaM vataMsamaniSaM kaanceepurE khElanaM
kaalaayaSCavitaskareeM tanuruciM karNajapE lOcanE |
taaruNyOShmanakhampacaM stanabharaM janghaaspRuSaM kuntalaM
bhaagyaM dESikasaMcitaM mama kadaa sampaadayEdambikE ||15||
tanvaanaM nijakElisaudhasaraNiM naisargikeeNaaM giraaM
kEdaaraM kavimallasooktilahareesasyaSriyaaM SaaSvatam |
aMhOvancanacuncu kiMcana bhajE kaanceepureemaNDanaM
paryaayacCavi paakaSaasanamaNEH pauShpEShavaM pauruSham ||16||
aalOkE mukhapankajE ca dadhatee saudhaakareeM caatureeM
cooDaalaMkriyamaaNapankajavaneevairaagamaprakriyaa |
mugdhasmEramukhee ghansatanataTeemoorcCaalamadhyaancitaa
kaanceeseemani kaaminee vijayatE kaacijjaganmOhinee ||17||
yasminnamba bhavatkaTaakSharajanee mandEpi mandasmita-
jyOtsnaasaMsnapitaa bhavatyabhimukhee taM pratyahO dEhinam |
drakShaamaakShikamaadhureemadabharavreeDaakaree vaikharee
kaamaakShi svayamaatanOtyabhisRutiM vaamEkShaNEva kShaNam ||18||
kaalindeejalakaantayaH smitarucisvarvaahineepaathasi
prauDhadhvaantarucaH sphuTaadharamahOlauhityasandhyOdayE |
maNikyOpalakuNDalaaMSuSikhini vyaamiSradhoomaSriyaH
kalyaaNaikabhuvaH kaTaakShasuShamaaH kaamaakShi raajanti tE ||19||
kalakalaraNatkaancee kaanceevibhooShaNamaalikaa
kacabharalasaccandraa candraavataMsasadharmiNee |
kavikulagiraH SraavaMSraavaM milatpulakaaMkuraa
viracitaSiraHkampaa kampaataTE pariSObhatE ||20||
sarasavacasaaM veecee neeceebhavanmadhumaadhuree
bharitabhuvanaa keertirmoortirmanObhavajitvaree |
janani manasO yOgyaM bhOgyaM nRuNaaM tava jaayatE
kathamiva vinaa kaanceebhooShE kaTaakShatarangitam ||21||
bhramaritasaritkoolO neelOtpalaprabhayaabhayaa
natajanatamaHkhaNDee tuNDeeraseemni vijRumbhatE |
acalatapasaamEkaH paakaH prasoonaSaraasana-
pratibhaTamanOhaaree naareekulaikaSikhaamaNiH ||22||
madhuravacasO mandasmEraa matangajagaaminaH
taruNimajuShastaapicCaabhaastamaHparipanthinaH |
kucabharanataaH kuryurbhadraM kurangavilOcanaaH
kalitakaruNaaH kaanceebhaajaH kapaalimahOtsavaaH ||23||
kamalasuShamaakShyaarOhE vicakShaNaveekShaNaaH
kumudasukRutakreeDaacooDaalakuntalabandhuraaH |
rucirarucibhistaapicCaSreeprapancanacuncavaH
puravijayinaH kampaateerE sphuranti manOrathaaH ||24||
kalitaratayaH kaanceeleelaavidhau kavimaNDalee-
vacanalahareevaasanteenaaM vasantavibhootayaH |
kuSalavidhayE bhooyaasurmE kurangavilOcanaaH
kusumaviSikhaaraatErakShNaaM kutoohalavibhramaaH ||25||
kabalitatamaskaaNDaastuNDeeramaNDalamaNDanaaH
sarasijavaneesantaanaanaamaruntudaSEkharaaH |
nayanasaraNErnEdeeyaMsaH kadaa nu bhavanti mE
taruNajaladaSyaamaaH SambhOstapaHphalavibhramaaH ||26||
acaramamiShuM deenaM meenadhvajasya mukhaSriyaa
sarasijabhuvO yaanaM mlaanaM gatEna ca manjunaa |
tridaSasadasaamannaM khinnaM giraa ca vitanvatee
tilakayati saa kampaateeraM trilOcanasundaree ||27||
janani bhuvanE cankramyEhaM kiyantamanEhasaM
kupuruShakarabhraShTairduShTairdhanairudarambhariH |
taruNakaruNE tandraaSoonyE tarangaya lOcanE
namati mayi tE kiMcitkaanceepureemaNideepikE ||28||
munijanamanaHpETeeratnaM sphuratkaruNaanaTee-
viharaNakalaagEhaM kaanceepureemaNibhooShaNam |
jagati mahatO mOhavyaadhErnRuNaaM paramauShadhaM
puraharadRuSaaM saaphalyaM mE puraH parijRumbhataam ||29||
munijanamOdhaamnE dhaamnE vacOmayajaahnavee-
himagiritaTapraagbhaaraayaakSharaaya paraatmanE |
viharaNajuShE kaanceedESE mahESvaralOcana-
tritayasarasakreeDaasaudhaangaNaaya namO namaH ||30||
marakatarucaaM pratyaadESaM mahESvaracakShuShaam
amRutalahareepooraM paaraM bhavaakhyapayOnidhEH |
sucaritaphalaM kaanceebhaajO janasya pacElimaM
himaSikhariNO vaMSasyaikaM vataMsamupaasmahE ||31||
praNamanadinaarambhE kampaanadeesakhi taavakE
sarasakavitOnmEShaH pooShaa sataaM samudancitaH |
pratibhaTamahaaprauDhaprOdyatkavitvakumudvateeM
nayati tarasaa nidraamudraaM nagESvarakanyakE ||32||
SamitajaDimaarambhaa kampaataTeenikaTEcaree
nihataduritastOmaa sOmaardhamudritakuntalaa |
phalitasumanOvaanCaa paancaayudhee paradEvataa
saphalayatu mE nEtrE gOtrESvarapriyanandinee ||33||
mama tu dhiShaNaa peeDyaa jaaDyaatirEka kathaM tvayaa
kumudasuShamaamaitreepaatreevataMsitakuntalaam |
jagati SamitastambhaaM kampaanadeenilayaamasau
Sriyati hi galattandraa candraavataMsasadharmiNeem ||34||
parimalapareepaakOdrEkaM payOmuci kaancanE
SikhariNi punardbaidheebhaavaM SaSinyaruNaatapam |
api ca janayankambOrlakShmeemanambuni kOpyasau
kusumadhanuShaH kaanceedESE cakaasti paraakramaH ||35||
puradamayiturvaamOtsangasthalEna rasagnyayaa
sarasakavitaabhaajaa kaanceepurOdaraseemayaa |
taTaparisarairneehaaraadrErvacObhirakRutrimaiH
kimiva na tulaamasmaccEtO mahESvari gaahatE ||36||
nayanayugaleemaasmaakeenaaM kadaa nu phalEgraheeM
vidadhati gatau vyaakurvaaNaa gajEndracamatkriyaam |
maratakarucO maahESaanaa ghanastananamritaaH
sukRutavibhavaaH praancaH kaanceevataMsadhurandharaaH ||37||
manasijayaSaHpaaramparyaM marandajhareesuvaaM
kavikulagiraaM kandaM kampaanadeetaTamaNDanam |
madhuralalitaM matkaM cakShurmaneeShimanOharaM
puravijayinaH sarvasvaM tatpuraskurutE kadaa ||38||
SithilitatamOleelaaM neelaaravindavilOcanaaM
dahanavilasatphaalaaM SreekaamakOTimupaasmahE |
karadhRutasacCoolaaM kaalaaricittaharaaM paraaM
manasijakRupaaleelaaM lOlaalakaamalikEkShaNaam ||39||
kalaaleelaaSaalaa kavikulavacaHkairavavanee-
SarajjyOtsnaadhaaraa SaSadharaSiSuSlaaghyamukuTee |
puneetE naH kampaapulinataTasauhaardataralaa
kadaa cakShurmaargaM kanakagiridhaanuShkamahiShee ||40||
namaH staannamrEbhyaH stanagarimagarvENa guruNaa
dadhaanEbhyaScooDaabharaNamamRutasyandi SiSiram |
sadaa vaastavEbhyaH suvidhabhuvi kampaakhyasaritE
yaSOvyaapaarEbhyaH sukRutavibhavEbhyO ratipatEH ||41||
asooyantee kaacinmarakatarucO naakimukuTee-
kadambaM cumbantee caraNanakhacandraaMSupaTalaiH |
tamOmudraaM vidraavayatu mama kaanceernilayanaa
harOtsangaSreemanmaNigRuhamahaadeepakalikaa ||42||
anaadyantaa kaacitsujananayanaanandajananee
nirundhaanaa kaantiM nijarucivilaasairjalamucaam |
smaraarEstaaralyaM manasi janayantee svayamahO
galatkampaa Sampaa parilasati kampaaparisarE ||43||
sudhaaDiNDeeraSreeH smitaruciShu tuNDeeraviShayaM
pariShkurvaaNaasau parihasitaneelOtpalaruciH |
stanaabhyaamaanamraa stabakayatu mE kaankShitataruM
dRuSaamaiSaaneenaaM sukRutaphalapaaNDityagarimaa ||44||
kRupaadhaaraadrONee kRupaNadhiShaNaanaaM praNamataaM
nihantree santaapaM nigamamukuTOttaMsakalikaa |
paraa kaanceeleelaaparicayavatee parvatasutaa
giraaM neevee dEvee giriSaparatantraa vijayatE ||45||
kavitvaSreekandaH sukRutaparipaaTee himagirEH
vidhaatree viSvEShaaM viShamaSaraveeradhvajapaTee |
sakhee kampaanadyaaH padahasitapaathOjayugalee
puraaNO paayaannaH puramathanasaamraajyapadavee ||46||
daridraaNaa madhyE daradalitataapicCasuShamaaH
stanaabhOgakkaantaastaruNahariNaankaankitakacaaH |
haraadheenaa naanaavibudhamukuTeecumbitapadaaH
kadaa kampaateerE kathaya viharaamO girisutE ||47||
vareevartu sthEmaa tvayi mama giraaM dEvi manasO
nareenartu prauDhaa vadanakamalE vaakyalaharee |
careecartu pragnyaajanani jaDimaanaH parajanE
sareesartu svairaM janani mayi kaamaakShi karuNaa ||48||
kShaNaattE kaamaakShi bhramarasuShamaaSikShaNaguruH
kaTaakShavyaakShEpO mama bhavatu mOkShaaya vipadaam |
nareenartu svairaM vacanalaharee nirjarapuree-
saridveeceeneeceekaraNapaTuraasyE mama sadaa ||49||
purastaanmE bhooyaHpraSamanaparaH staanmama rujaaM
pracaarastE kampaataTavihRutisampaadini dRuSOH |
imaaM yaacnaamooreekuru sapadi dooreekuru tamaH-
pareepaakaM matkaM sapadi budhalOkaM ca naya maam ||50||
udancantee kaanceenagaranilayE tvatkaruNayaa
samRuddhaa vaagdhaaTee parihasitamaadhvee kavayataam |
upaadattE maarapratibhaTajaTaajooTamukuTee-
kuTeerOllaasinyaaH SatamakhataTinyaa jayapaTeem ||51||
SriyaM vidyaaM dadyaajjanani namataaM keertimamitaaM
suputraan praadattE tava jhaTiti kaamaakShi karuNaa |
trilOkyaamaadhikyaM tripuraparipanthipraNayini
praNaamastvatpaadE SamitaduritE kiM na kurutE ||52||
manaHstambhaM stambhaM gamayadupakampaM praNamataaM
sadaa lOlaM neelaM cikurajitalOlambanikaram |
giraaM dooraM smEraM dhRutaSaSikiSOraM paSupatEH
dRuSaaM yOgyaM bhOgyaM tuhinagiribhaagyaM vijayatE ||53||
ghanaSyaamaankaamaantakamahiShi kaamaakShi madhuraan
dRuSaaM paataanEtaanamRutajalaSeetaananupamaan |
bhavOtpaatE bheetE mayi vitara naathE dRuDhabhava-
nmanaSSOkE mookE himagiripataakE karuNayaa ||54||
nataanaaM mandaanaaM bhavanigalabandhaakuladhiyaaM
mahaandhyaaM rundhaanaamabhilaShitasantaanalatikaam |
caranteeM kampaayaastaTabhuvi savitreeM trijagataaM
smaraamastaaM nityaM smaramathanajeevaatukalikaam ||55||
paraa vidyaa hRudyaaSritamadanavidyaa marakata-
prabhaaneelaa leelaaparavaSitaSoolaayudhamanaaH |
tamaHpooraM dooraM caraNanatapaurandarapuree-
mRugaakShee kaamaakShee kamalataralaakShee nayatu mE ||56||
ahantaakhyaa matkaM kabalayati haa hanta hariNee
haThaatsaMvidroopaM haramahiShi sasyaankuramasau |
kaTaakShavyaakShEpaprakaTaharipaaShaaNapaTalaiH
imaamuccairuccaaTaya jhaTiti kaamaakShi kRupayaa ||57||
budhE vaa mookE vaa tava patati yasminkShaNamasau
kaTaakShaH kaamaakShi prakaTajaDimakShOdapaTimaa |
kathaMkaaraM naasmai karamukulacooDaalamukuTaa
namOvaakaM brooyurnamuciparipanthiprabhRutayaH ||58||
prateeceeM paSyaamaH prakaTarucineevaarakamaNi-
prabhaasadhreeceenaaM pradalitaShaDaadhaarakamalaam |
caranteeM sauShumnE pathi parapadEndupravigala-
tsudhaardraaM kaamaakSheeM pariNataparaMjyOtirudayaam ||59||
jambhaaraatiprabhRutimukuTeeH paadayOH peeThayantee
gumphaanvaacaaM kavijanakRutaansvairamaaraamayantee |
SampaalakShmeeM maNigaNarucaapaaTalaiH praapayantee
kampaateerE kavipariShadaaM jRumbhatE bhaagyaseemaa ||60||
candraapeeDaaM caturavadanaaM cancalaapaangaleelaaM
kundasmEraaM kucabharanataaM kuntalOddhootabhRungaam |
maaraaraatErmadanaSikhinaM maaMsalaM deepayanteeM
kaamaakSheeM taaM kavikulagiraaM kalpavalleemupaasE ||61||
kaalaambhOdaprakarasuShamaaM kaantibhistirjayantee
kalyaaNaanaamudayasaraNiH kalpavallee kaveenaam |
kandarpaarEH priyasahacaree kalmaShaaNaaM nihantree
kaanceedESaM tilakayati saa kaapi kaaruNyaseemaa ||62||
ooreekurvannurasijataTE caatureeM bhoodharaaNaaM
paathOjaanaaM nayanayugalE paripanthyaM vitanvan |
kampaateerE viharati rucaa mOghayanmEghaSaileeM
kOkadvEShaM Sirasi kalayankOpi vidyaaviSEShaH ||63||
kaanceeleelaaparicayavatee kaapi taapicCalakShmeeH
jaaDyaaraNyE hutavahaSikhaa janmabhoomiH kRupaayaaH |
maakandaSreermadhurakavitaacaaturee kOkilaanaaM
maargE bhooyaanmama nayanayOrmaanmathee kaapi vidyaa ||64||
sEturmaatarmaratakamayO bhaktibhaajaaM bhavaabdhau
leelaalOlaa kuvalayamayee maanmathee vaijayantee |
kaanceebhooShaa paSupatidRuSaaM kaapi kaalaanjanaalee
matkaM duHkhaM Sithilayatu tE manjulaapaangamaalaa ||65||
vyaavRuNvaanaaH kuvalayadalaprakriyaavairamudraaM
vyaakurvaaNaa manasijamahaaraajasaamraajyalakShmeem |
kaanceeleelaavihRutirasikE kaankShitaM naH kriyaasuH
bandhacCEdE tava niyaminaaM baddhadeekShaaH kaTaakShaaH ||66||
kaalaambhOdE SaSiruci dalaM kaitakaM darSayantee
madhyEsaudaamini madhulihaaM maalikaaM raajayantee |
haMsaaraavaM vikacakamalE manjumullaasayantee
kampaateerE vilasati navaa kaapi kaaruNyalakShmeeH ||67||
citraM citraM nijamRudutayaa bhartsayanpallavaaleeM
puMsaaM kaamaanbhuvi ca niyataM poorayanpuNyabhaajaam |
jaataH Sailaanna tu jalanidhEH svairasaMcaaraSeelaH
kaanceebhooShaa kalayatu SivaM kOpi cintaamaNirmE ||68||
taamraambhOjaM jaladanikaTE tatra bandhookapuShpaM
tasminmalleekusumasuShamaaM tatra veeNaaninaadam |
vyaavRunvaanaa sukRutalaharee kaapi kaancinagaryaam
aiSaanee saa kalayatitaraamaindrajaalaM vilaasam ||69||
aahaaraaMSaM tridaSasadasaamaaSrayE caatakaanaam
aakaaSOparyapi ca kalayannaalayaM tungamEShaam |
kampaateerE viharatitaraaM kaamadhEnuH kaveenaaM
mandasmErO madananigamaprakriyaasampradaayaH ||70||
aardreebhootairaviralakRupairaattaleelaavilaasaiH
aasthaapoorNairadhikacapalairancitaambhOjaSilpaiH |
kaantairlakShmeelalitabhavanaiH kaantikaivalyasaaraiH
kaaSmalyaM naH kabalayatu saa kaamakOTee kaTaakShaiH ||71||
aadhoonvantyai taralanayanairaangajeeM vaijayanteem
aanandinyai nijapadajuShaamaattakaanceepuraayai |
aasmaakeenaM hRudayamakhilairaagamaanaaM prapancaiH
aaraadhyaayai spRuhayatitaraamadimaayai jananyai ||72||
dooraM vaacaaM tridaSasadasaaM duHkhasindhOstaritraM
mOhakShvElakShitiruhavanE krooradhaaraM kuThaaram |
kampaateerapraNayi kavibhirvarNitOdyaccaritraM
Saantyai sEvE sakalavipadaaM SaaMkaraM tatkalatram ||73||
khaNDeekRutya prakRutikuTilaM kalmaShaM praatibhaSree-
SuNDeeratvaM nijapadajuShaaM SoonyatandraM diSantee |
tuNDeeraakhyai mahati viShayE svarNavRuShTipradaatree
caNDee dEvee kalayati ratiM candracooDaalacooDE ||74||
yEna khyaatO bhavati sa gRuhee pooruShO mErudhanvaa
yaddRukkONE madananigamapraabhavaM bObhaveeti |
yatpreetyaiva trijagadadhipO jRumbhatE kimpacaanaH
kampaateerE sa jayati mahaankaScidOjOviSEShaH ||75||
dhanyaa dhanyaa gatiriha giraaM dEvi kaamaakShi yanmE
nindyaaM bhindyaatsapadi jaDataaM kalmaShaadunmiShanteem |
saadhvee maadhveerasamadhurataabhanjinee manjureetiH
vaaNeevENee jhaTiti vRuNutaatsvardhuneespardhinee maam ||76||
yasyaa vaaTee hRudayakamalaM kausumee yOgabhaajaaM
yasyaaH peeThee satataSiSiraa SeekarairmaakarandaiH |
yasyaaH pETee Srutiparicalanmauliratnasya kaancee
saa mE sOmaabharaNamahiShee saadhayEtkaankShitaani ||77||
Ekaa maataa sakalajagataameeyuShee dhyaanamudraam
EkaamraadheeSvaracaraNayOrEkataanaaM samindhE |
taaTankOdyanmaNigaNarucaa taamrakarNapradESaa
taaruNyaSreestabakitatanustaapasee kaapi baalaa ||78||
dantaadantiprakaTanakaree dantibhirmandayaanaiH
mandaaraaNaaM madapariNatiM mathnatee mandahaasaiH |
ankooraabhyaaM manasijatarOrankitOraaH kucaabhyaa-
mantaHkaanci sphurati jagataamaadimaa kaapi maataa ||79||
triyambakakuTumbineeM tripurasundareemindiraaM
pulindapatisundareeM tripurabhairaveeM bhaarateem |
matangakulanaayikaaM mahiShamardaneeM maatRukaaM
bhaNanti vibudhOttamaa vihRutimEva kaamaakShi tE ||80||
mahaamunimanOnaTee mahitaramyakampaataTee-
kuTeerakavihaariNee kuTilabOdhasaMhaariNee |
sadaa bhavatu kaaminee sakaladEhinaaM svaaminee
kRupaatiSayakiMkaree mama vibhootayE SaaMkaree ||81||
jaDaaH prakRutinirdhanaa janavilOcanaaruntudaa
naraa janani veekShaNaM kShaNamavaapya kaamaakShi tE |
vacassu madhumaadhureeM prakaTayanti paurandaree-
vibhootiShu viDambanaaM vapuShi maanmatheeM prakriyaam ||82||
ghansatanataTasphuTasphuritakanculeecancalee-
kRutatripuraSaasanaa sujanaSeelitOpaasanaa |
dRuSOH saraNimaSnutE mama kadaa nu kaanceepurE
paraa paramayOginaaM manasi citkulaa puShkalaa ||83||
kaveendrahRudayEcaree parigRuheetakaanceepuree
nirooDhakaruNaajharee nikhilalOkarakShaakaree |
manaHpathadaveeyasee madanaSaasanaprEyasee
mahaaguNagareeyasee mama dRuSOstu nEdeeyasee ||84||
dhanEna na ramaamahE khalajanaanna sEvaamahE
na caapalamayaamahE bhavabhayaanna dooyaamahE |
sthiraaM tanumahEtaraaM manasi kiM ca kaanceerata-
smaraantakakuTumbineecaraNapallavOpaasanaam ||85||
suraaH parijanaa vapurmanasijaaya vairaayatE
triviShTapanitambineekucataTee ca kEleegiriH |
giraH surabhayO vayastaruNimaa daridrasya vaa
kaTaakShasaraNau kShaNaM nipatitasya kaamaakShi tE ||86||
pavitraya jagattrayeevibudhabOdhajeevaatubhiH
puratrayavimardinaH pulakakanculeedaayibhiH |
bhavakShayavicakShaNairvyasanamOkShaNairveekShaNaiH
nirakSharaSirOmaNiM karuNayaiva kaamaakShi maam ||87||
kadaa kalitakhElanaaH karuNayaiva kaanceepurE
kalaayamukulatviShaH SubhakadambapoorNaankuraaH |
payOdharabharaalasaaH kavijanEShu tE bandhuraaH
pacElimakRupaarasaa paripatanti maargE dRuSOH ||88||
aSOdhyamacalOdbhavaM hRudayanandanaM dEhinaam
anarghamadhikaanci tatkimapi ratnamuddyOtatE |
anEna samalaMkRutaa jayati Sankaraankasthalee
kadaasya mama maanasaM vrajati pETikaavibhramam ||89||
paraamRutajhareeplutaa jayati nityamantaScaree
bhuvaamapi bahiScaree paramasaMvidEkaatmikaa |
mahadbhiraparOkShitaa satatamEva kaanceepurE
mamaanvahamahaMmatirmanasi bhaatu maahESvaree ||90||
tamOvipinadhaavinaM satatamEva kaanceepurE
vihaararasikaa paraa paramasaMvidurveeruhE |
kaTaakShanigalairdRuDhaM hRudayaduShTadantaavalaM
ciraM nayatu maamakaM tripuravairiseemantinee ||91||
tvamEva sati caNDikaa tvamasi dEvi caamuNDikaa
tvamEva paramaatRukaa tvamapi yOgineeroopiNee |
tvamEva kila Saambhavee tvamasi kaamakOTee jayaa
tvamEva vijayaa tvayi trijagadamba kiM broomahE ||92||
parE janani paarvati praNatapaalini praatibha-
pradaatri paramESvari trijagadaaSritE SaaSvatE |
triyambakakuTumbini tripadasangini treekShaNE
triSaktimayi veekShaNaM mayi nidhEhi kaamaakShi tE ||93||
manOmadhukarOtsavaM vidadhatee maneeShaajuShaaM
svayamprabhavavaikhareevipinaveethikaalambinee |
ahO SiSiritaa kRupaamadhurasEna kampaataTE
caraacaravidhaayinee calati kaapi cinmanjaree ||94||
kalaavati kalaabhRutO mukuTaseemni leelaavati
spRuhaavati mahESvarE bhuvanamOhanE bhaasvati |
prabhaavati ramE sadaa mahitaroopaSObhaavati
tvaraavati parE sataaM gurukRupaambudhaaraavati ||95||
tvayaiva jagadambayaa bhuvanamaNDalaM sooyatE
tvayaiva karuNaardrayaa tadapi rakShaNaM neeyatE |
tvayaiva kharakOpayaa nayanapaavakE hooyatE
tvayaiva kila nityayaa jagati santataM stheeyatE ||96||
caraacarajaganmayeeM sakalahRunmayeeM cinmayeeM
guNatrayamayeeM jagattrayamayeeM tridhaamaamayeem |
paraaparamayeeM sadaa daSadiSaaM niSaaharmayeeM
paraaM satatasanmayeeM manasi cinmayeeM SeelayE ||97||
jaya jagadambikE harakuTumbini vaktrarucaa
jitaSaradambujE ghanaviDambini kESarucaa |
paramavalambanaM kuru sadaa pararoopadharE
mama gatasaMvidO jaDimaDambarataaNDavinaH ||98||
bhuvanajanani bhooShaabhootacandrE namastE
kaluShaSamani kampaateeragEhE namastE |
nikhilanigamavEdyE nityaroopE namastE
paraSivamayi paaSacCEdahastE namastE ||99||
kvaNatkaancee kaanceepuramaNivipanceelayajharee-
SiraHkampaa kampaavasatiranukampaajalanidhiH |
ghanaSyaamaa Syaamaa kaThinakucaseemaa manasi mE
mRugaakShee kaamaakShee haranaTanasaakShee viharataat ||100||
samaravijayakOTee saadhakaanandadhaaTee
mRuduguNaparipETee mukhyakaadambavaaTee |
muninutaparipaaTee mOhitaajaaNDakOTee
paramaSivavadhooTee paatu maaM kaamakOTee ||101||
imaM paravarapradaM prakRutipESalaM paavanaM
paraaparacidaakRutiprakaTanapradeepaayitam |
stavaM paThati nityadaa manasi bhaavayannambikaaM
japairalamalaM makhairadhikadEhasaMSOShaNaiH ||102||
|| iti stutiSatakaM sampoorNam ||