ଶିଵୋ ମହେଶ୍ଵରଶ୍ଶଂଭୁଃ ପିନାକୀ ଶଶିଶେଖରଃ
ଵାମଦେଵୋ ଵିରୂପାକ୍ଷଃ କପର୍ଦୀ ନୀଲଲୋହିତଃ || 1 ||
ଶଂକରଶ୍ଶୂଲପାଣିଶ୍ଚ ଖଟ୍ଵାଂଗୀ ଵିଷ୍ଣୁଵଲ୍ଲଭଃ
ଶିପିଵିଷ୍ଟୋଂବିକାନାଥଃ ଶ୍ରୀକଂଠୋ ଭକ୍ତଵତ୍ସଲଃ || 2 ||
ଭଵଶ୍ଶର୍ଵସ୍ତ୍ରିଲୋକେଶଃ ଶିତିକଂଠଃ ଶିଵପ୍ରିୟଃ
ଉଗ୍ରଃ କପାଲୀ କାମାରୀ ଅଂଧକାସୁରସୂଦନଃ || 3 ||
ଗଂଗାଧରୋ ଲଲାଟାକ୍ଷଃ କାଲକାଲଃ କୃପାନିଧିଃ
ଭୀମଃ ପରଶୁହସ୍ତଶ୍ଚ ମୃଗପାଣିର୍ଜଟାଧରଃ || 4 ||
କୈଲାସଵାସୀ କଵଚୀ କଠୋରସ୍ତ୍ରିପୁରାଂତକଃ
ଵୃଷାଂକୋ ଵୃଷଭାରୂଢୋ ଭସ୍ମୋଦ୍ଧୂଳିତଵିଗ୍ରହଃ || 5 ||
ସାମପ୍ରିୟସ୍ସ୍ଵରମୟସ୍ତ୍ରୟୀମୂର୍ତିରନୀଶ୍ଵରଃ
ସର୍ଵଜ୍ଞଃ ପରମାତ୍ମା ଚ ସୋମସୂର୍ୟାଗ୍ନିଲୋଚନଃ || 6 ||
ହଵିର୍ୟଜ୍ଞମୟସ୍ସୋମଃ ପଂଚଵକ୍ତ୍ରସ୍ସଦାଶିଵଃ
ଵିଶ୍ଵେଶ୍ଵରୋ ଵୀରଭଦ୍ରୋ ଗଣନାଥଃ ପ୍ରଜାପତିଃ || 7 ||
ହିରଣ୍ୟରେତଃ ଦୁର୍ଧର୍ଷଃ ଗିରୀଶୋ ଗିରିଶୋନଘଃ
ଭୁଜଂଗଭୂଷଣୋ ଭର୍ଗୋ ଗିରିଧନ୍ଵୀ ଗିରିପ୍ରିୟଃ || 8 ||
କୃତ୍ତିଵାସଃ ପୁରାରାତିର୍ଭଗଵାନ ପ୍ରମଥାଧିପଃ
ମୃତ୍ୟୁଂଜୟସ୍ସୂକ୍ଷ୍ମତନୁର୍ଜଗଦ୍ଵ୍ୟାପୀ ଜଗଦ୍ଗୁରୁଃ || 9 ||
ଵ୍ୟୋମକେଶୋ ମହାସେନଜନକଶ୍ଚାରୁଵିକ୍ରମଃ
ରୁଦ୍ରୋ ଭୂତପତିଃ ସ୍ଥାଣୁରହିର୍ଭୁଧ୍ନୋ ଦିଗଂବରଃ || 10 ||
ଅଷ୍ଟମୂର୍ତିରନେକାତ୍ମା ସାତ୍ତ୍ଵିକଶ୍ଶୁଦ୍ଧଵିଗ୍ରହଃ
ଶାଶ୍ଵତଃ ଖଂଡପରଶୁରଜଃ ପାଶଵିମୋଚକଃ || 11 ||
ମୃଡଃ ପଶୁପତିର୍ଦେଵୋ ମହାଦେଵୋஉଵ୍ୟୟୋ ହରିଃ
ପୂଷଦଂତଭିଦଵ୍ୟଗ୍ରୋ ଦକ୍ଷାଧ୍ଵରହରୋ ହରଃ || 12 ||
ଭଗନେତ୍ରଭିଦଵ୍ୟକ୍ତୋ ସହସ୍ରାକ୍ଷସ୍ସହସ୍ରପାତ
ଅପଵର୍ଗପ୍ରଦୋஉନଂତସ୍ତାରକଃ ପରମେଶ୍ଵରଃ || 13 ||
ଏଵଂ ଶ୍ରୀ ଶଂଭୁଦେଵସ୍ୟ ନାମ୍ନାମଷ୍ଟୋତ୍ତରଂଶତମ ||