ratnaiH kalpitamaasanaM himajalaiH snaanaM cha divyaambaraM
naanaaratna vibhooShitaM mRugamadaa mOdaankitaM chandanam |
jaatee chaMpaka bilvapatra rachitaM puShpaM cha dhoopaM tathaa
deepaM dEva dayaanidhE paSupatE hRutkalpitaM gRuhyataam || 1 ||

sauvarNE navaratnakhaNDa rachitE paatrE ghRutaM paayasaM
bhakShyaM panchavidhaM payOdadhiyutaM rambhaaphalaM paanakam |
SaakaanaamayutaM jalaM ruchikaraM karpoora khaMDOjjcalaM
taamboolaM manasaa mayaa virachitaM bhaktyaa prabhO sveekuru || 2 ||

ChatraM chaamarayOryugaM vyajanakaM chaadarSakaM nirmalaM
veeNaa bhEri mRudanga kaahalakalaa geetaM cha nRutyaM tathaa |
saaShTaangaM praNatiH stuti-rbahuvidhaa-hyEtat-samastaM mayaa
sankalpEna samarpitaM tava vibhO poojaaM gRuhaaNa prabhO || 3 ||

aatmaa tvaM girijaa matiH sahacharaaH praaNaaH SareeraM gRuhaM
poojaa tE viShayOpabhOga-rachanaa nidraa samaadhisthitiH |
sanchaaraH padayOH pradakShiNavidhiH stOtraaNi sarvaa girO
yadyatkarma karOmi tattadakhilaM SaMbhO tavaaraadhanam || 4 ||

kara charaNa kRutaM vaakkaayajaM karmajaM vaa
SravaNa nayanajaM vaa maanasaM vaaparaadham |
vihitamavihitaM vaa sarvamEtat-kShamasva
jaya jaya karuNaabdhE Sree mahaadEva SaMbhO || 5 ||