kausalyaa suprajaa raama poorvaasaMdhyaa pravartatE |
uttiShTha naraSaardoola kartavyaM daivamaahnikam || 1 ||
uttiShThOttiShTha gOviMda uttiShTha garuDadhvaja |
uttiShTha kamalaakaaMta trailOkyaM maMgaLaM kuru || 2 ||
maatassamasta jagataaM madhukaiTabhaarEH
vakShOvihaariNi manOhara divyamoortE |
Sreesvaamini Sritajanapriya daanaSeelE
Sree vEMkaTESa dayitE tava suprabhaatam || 3 ||
tava suprabhaatamaraviMda lOchanE
bhavatu prasannamukha chaMdramaMDalE |
vidhi SaMkarEMdra vanitaabhirarchitE
vRuSa Sailanaatha dayitE dayaanidhE || 4 ||
atryaadi sapta RuShayassamupaasya saMdhyaaM
aakaaSa siMdhu kamalaani manOharaaNi |
aadaaya paadayuga marchayituM prapannaaH
SEShaadri SEkhara vibhO tava suprabhaatam || 5 ||
paMchaananaabja bhava ShaNmukha vaasavaadyaaH
traivikramaadi charitaM vibudhaaH stuvaMti |
bhaaShaapatiH paThati vaasara Suddhi maaraat
SEShaadri SEkhara vibhO tava suprabhaatam || 6 ||
eeSat-praphulla saraseeruha naarikELa
poogadrumaadi sumanOhara paalikaanaam |
aavaati maMdamanilaH sahadivya gaMdhaiH
SEShaadri SEkhara vibhO tava suprabhaatam || 7 ||
unmeelyanEtra yugamuttama paMjarasthaaH
paatraavasiShTa kadalee phala paayasaani |
bhuktvaaH saleela mathakELi SukaaH paThaMti
SEShaadri SEkhara vibhO tava suprabhaatam || 8 ||
taMtree prakarSha madhura svanayaa vipaMchyaa
gaayatyanaMta charitaM tava naaradOpi |
bhaaShaa samagra masat-kRutachaaru ramyaM
SEShaadri SEkhara vibhO tava suprabhaatam || 9 ||
bhRuMgaavaLee cha makaraMda rasaanu viddha
jhuMkaarageeta ninadaiH sahasEvanaaya |
niryaatyupaaMta sarasee kamalOdarEbhyaH
SEShaadri SEkhara vibhO tava suprabhaatam || 10 ||
yOShaagaNEna varadadhni vimathyamaanE
ghOShaalayEShu dadhimaMthana teevraghOShaaH |
rOShaatkaliM vidadhatE kakubhaScha kuMbhaaH
SEShaadri SEkhara vibhO tava suprabhaatam || 11 ||
padmESamitra Satapatra gataaLivargaaH
hartuM SriyaM kuvalayasya nijaaMgalakShmyaaH |
bhEree ninaadamiva bhibhrati teevranaadam
SEShaadri SEkhara vibhO tava suprabhaatam || 12 ||
SreemannabheeShTa varadaakhila lOka baMdhO
Sree Sreenivaasa jagadEka dayaika siMdhO |
Sree dEvataa gRuha bhujaaMtara divyamoortE
Sree vEMkaTaachalapatE tava suprabhaatam || 13 ||
Sree svaami puShkariNikaaplava nirmalaaMgaaH
SrEyaarthinO haraviriMchi sanaMdanaadyaaH |
dvaarE vasaMti varanEtra hatOtta maaMgaaH
Sree vEMkaTaachalapatE tava suprabhaatam || 14 ||
Sree SEShaSaila garuDaachala vEMkaTaadri
naaraayaNaadri vRuShabhaadri vRuShaadri mukhyaam |
aakhyaaM tvadeeya vasatE raniSaM vadaMti
Sree vEMkaTaachalapatE tava suprabhaatam || 15 ||
sEvaaparaaH Siva surESa kRuSaanudharma
rakShOMbunaatha pavamaana dhanaadhi naathaaH |
baddhaaMjali pravilasannija SeerShadESaaH
Sree vEMkaTaachalapatE tava suprabhaatam || 16 ||
dhaaTeeShu tE vihagaraaja mRugaadhiraaja
naagaadhiraaja gajaraaja hayaadhiraajaaH |
svasvaadhikaara mahimaadhika marthayaMtE
Sree vEMkaTaachalapatE tava suprabhaatam || 17 ||
sooryEMdu bhauma budhavaakpati kaavyaSauri
svarbhaanukEtu diviSat-pariSat-pradhaanaaH |
tvaddaasadaasa charamaavadhi daasadaasaaH
Sree vEMkaTaachalapatE tava suprabhaatam || 18 ||
tat-paadadhooLi bharita sphuritOttamaaMgaaH
svargaapavarga nirapEkSha nijaaMtaraMgaaH |
kalpaagamaa kalanayaakulataaM labhaMtE
Sree vEMkaTaachalapatE tava suprabhaatam || 19 ||
tvadgOpuraagra SikharaaNi nireekShamaaNaaH
svargaapavarga padaveeM paramaaM SrayaMtaH |
martyaa manuShya bhuvanE matimaaSrayaMtE
Sree vEMkaTaachalapatE tava suprabhaatam || 20 ||
Sree bhoominaayaka dayaadi guNaamRutaabdE
dEvaadidEva jagadEka SaraNyamoortE |
SreemannanaMta garuDaadibhi rarchitaaMghrE
Sree vEMkaTaachalapatE tava suprabhaatam || 21 ||
Sree padmanaabha puruShOttama vaasudEva
vaikuMTha maadhava janaardhana chakrapaaNE |
Sree vatsa chihna SaraNaagata paarijaata
Sree vEMkaTaachalapatE tava suprabhaatam || 22 ||
kaMdarpa darpa hara suMdara divya moortE
kaaMtaa kuchaaMburuha kuTmala lOladRuShTE |
kalyaaNa nirmala guNaakara divyakeertE
Sree vEMkaTaachalapatE tava suprabhaatam || 23 ||
meenaakRutE kamaThakOla nRusiMha varNin
svaamin paraSvatha tapOdhana raamachaMdra |
SEShaaMSaraama yadunaMdana kalkiroopa
Sree vEMkaTaachalapatE tava suprabhaatam || 24 ||
ElaalavaMga ghanasaara sugaMdhi teerthaM
divyaM viyatsaritu hEmaghaTEShu poorNam |
dhRutvaadya vaidika SikhaamaNayaH prahRuShTaaH
tiShThaMti vEMkaTapatE tava suprabhaatam || 25 ||
bhaasvaanudEti vikachaani sarOruhaaNi
saMpoorayaMti ninadaiH kakubhO vihaMgaaH |
SreevaiShNavaaH satata marthita maMgaLaastE
dhaamaaSrayaMti tava vEMkaTa suprabhaatam || 26 ||
brahmaadayaa ssuravaraa ssamaharShayastE
saMtassanaMdana mukhaastvatha yOgivaryaaH |
dhaamaaMtikE tava hi maMgaLa vastu hastaaH
Sree vEMkaTaachalapatE tava suprabhaatam || 27 ||
lakSmeenivaasa niravadya guNaika siMdhO
saMsaarasaagara samuttaraNaika sEtO |
vEdaaMta vEdya nijavaibhava bhakta bhOgya
Sree vEMkaTaachalapatE tava suprabhaatam || 28 ||
itthaM vRuShaachalapatEriha suprabhaataM
yE maanavaaH pratidinaM paThituM pravRuttaaH |
tEShaaM prabhaata samayE smRutiraMgabhaajaaM
pragnyaaM paraartha sulabhaaM paramaaM prasootE || 29 ||